тапал-зеңбірек

(Пушка-гаубица)

зеңбірек пен келте зеңбірек қоса үйлестірілген, бірақ зеңбіректің қасиеті басым болатын артиллериялық қару. Т.з. төсей және аспандата атыс жүргізуге арналады. Зеңбірекпен салыстырғанда Т.з-тің ұңғысы қысқа, ұңғысының көтерілу бұрышы және снарядтың түсуі жоғары болады. Келте зеңбірекпен салыстырғанда Т.з-тің атыс қашықтығы басым келеді. Т.з. әскери (далалық) артиллерия құрамына кіреді. Қазіргі заманғы Т.з-тің калибрі 152—155 мм, снарядының салмағы 43—46 кг, ең алыс ату қашықтығы 17—25 км. Жылжу тәсіліне қарай Т.з. сүйремелі, өздігінен жылжитын және өздігінен жүретін болып бөлінеді.